راحــت !

لـ رائف الجبير، ، في الغزل والوصف، آخر تحديث

راحــت ! - رائف الجبير

حلّ الفراق وخاشر القلب تلويع !
وطاب الشعر وبروق الاوجاع لاحت !

وحان السفر حزّة برايا مهاجيع
فرقا ٍ سبايبها زحازيح طاحت !

( واقفى حسين الطبْع سيد المفاريع )
عليه عوج ٍ بالسّراجيف صاحت !

وراحت .. وحطّت ف الحشا جرح توديع !
واقبل سهاد العين من يوم راحت !

وصلف الهموم اللي غزتني توابيع !
( قلّطتها صدري وفاء واستراحت ) !

طبعي ولو تلفي الرزايا مفازيع !
تلقى دلال الضيم ب الجوف فاحت !

يا " صالح بن حسين " شورك وانا اطيع !
ردّ الجواب ل من دروبه تناحت !

أزريت لا اسلى .. والمفارق تفاجيع !
تنبيني الورقا , لَ سجّيت / ناحت !

العلم وصْل وكايدات المواضيع !
وانت الشوير اليا الهجوس استباحت !

( ماني ب ناقص زود فرقا وتوديع
كافي عليّّّ آمالنا يوم راحت ) !

© 2024 - موقع الشعر