بيّض الله وجهك !

لـ رائف الجبير، ، في الغزل والوصف، آخر تحديث

بيّض الله وجهك ! - رائف الجبير

لاح برق المفارق .. والخطاوي رحيل
دلّني للغياب وللضما دلّني

هاك كل الرسايل .. وألف شكراً جزيل !
بيّض الله وجهك دفتري ملّني !

خلّني ب درب عمرك مثل عابر سبيل !
ولا تدري يكفّي قولتي : خلّني!

مَ جبرَتك الوصايا .. وكان تبغى دليل !
لو انا فرض ما قلت : إلحق وصلّني !!

يوم كنت القصيد وحلم شاعر نحيل !
ليه رحت وغيابك بالصدر علّني !

ايه رحت .. وغديت اصعب من المستحيل !
( يعني عيون قافي .. بعدك تهلّني ) !

( حسبي الله على وداعك ونعم الوكيل ) !
( شفت يومك تلوّح ! / كنّك تذلّني ) !

وش بقى ف المحاني غير طيش وعويل !
وش بقى بالورق غير العنا تلّني !

خلّني للطعون وللسهاد الطويل !
دام بوحي على درب الوصل ضلّني !

وخلّني للمواجع .. لا تردّ الجميل !
دام هذا الحنين ب غيبتك شلّني !

وخلّني للمفارق والحكاية/رحيل !
ولاّ تدري .. أمانة .. طالبك خلّني !

© 2024 - موقع الشعر