مسرح أحزاني

هلا بالهاجس اللي قد طرالي والدموع مداد
بطله الخل في غدره وأنا في مسرح أحزاني

هلا بك ياغلا روحي هلا بك والطعون جداد
هلا يامنبع أبيات القصيد ونبض وجداني

هلا يافرحة الدنيا هلا يالحظة الميلاد
هلا يامشرق آمالي اذا ياسي تحاواني

هلا بك يارفيق الدرب لك ارجاء الفؤاد بلاد
هلا بعلومك اللي تلفت لي تحراني

لبسني في غيابك من غرابيل الزمان حداد
نهاره ليل والغيبه تزيد الجرح وآعاني

سمعت بنية فراقك تبشرني بها الحساد
وأسدل ظلمة أستاره على روحي وغشّاني

وأنا لك بالوفا رمزٍ تسيد في سماك وساد
ونجمه ساطع بكونك وتنويني بحرماني

هلا بك مرحبا ياسيدي في داخلي وقاد
علامك تطعن برمح المحبه عمق وجداني