ياصقر

لـ شموخ القحطاني، ، في غير مُحدد

ياصقر - شموخ القحطاني

ياصقر وش لي فيك لا من زهمتك
يا صقر قل لي والوطن ويش له فيك

ياصقر عن درب المهانه حشمتك
وغرست حب الارض داخل محانيك

من سارعي للمجد لغز وفهمتك
لا فوق هام السحب روعة غناويك

وعلى طريق العز حلمٍ حلمتك
لين النجوم تعانق المجد في ايديك

ياصرخةٍ في وجه الاعدا وسمتك
لليوم الاسود ياعريبٍ مجانيك

هذا وطنك وبالك اني رحمتك
ارحمك من موقف ردى ما يعليك

ياتاجي ياللي بالشجاعه نظمتك
عدو ربك لا تفرط به ايديك

ياصقر طعم الموت لا..لا..عدمتك
الموت واحد والشهاده تناديك

© 2024 - موقع الشعر