عادة الذكرى - شموخ القحطاني

يالزمان الصلف في دنيا فعايلها عجايب
يالطعون الزرق ياللي غايره في وسط دمي

غاب نوري بالحياة وغايب ٍ سيد الحبايب
واظلمت دنياي عقبه غارق ٍ بالدمع كمي

واتجرع في خفوقي حزن وكفوفي عطايب
آه ياكبر المصيبه واتذرّى فيك يامي

من فقد مثلي وليفه صاير ٍٍ عقله نهايب
ومن تحمل مثل حملي من يكابد مثل همي

آه ياسمح الجناب وآه ياريف القرايب
غبت عن دنياي .. عقبك ماتت الضحكه بفمي

كلما لديت وجهي عادة الذكرى سبايب
زاد في قلبي غلاك وجابك الهوجاس يمي

والشكاله ورث جد ورث خال ورث عمي
والله انهم تاج راسي كل ماجتني صعايب

لا غدى وجه الزمان الصلف عبس ومدلهمي
© 2024 - موقع الشعر