ياليل السهر

لـ رائد العالي، ، في غير مُحدد، 5،398، آخر تحديث

ياليل السهر - رائد العالي

ياليل ياليل السهر والمعاناه
وش حيلة اللي فارق النوم عينه

القلب يبحث في الزمن عن خفاياه
الله على ذكرى الليالي يعينه

ماضي زمانً فات وشلون ابنساه
والقلب مع ذكراه زايد حنينه

فيه الفرح والحزن داخل حناياه
يساره احلامي وخوفي يمينه

دنياً تقلب ماعرفنا لها جاه
ناس الضحى تفرح وتمسي حزينه

أحدً مرفهته حياته ودنياه
واحدً من الدنيا تزايد ونينه

ياوقت فيك الشر والخير نلقاه
من طاوعك يمشي معك بالغبينه

تلقى الردي عايش وتضحك ثناياه
ولا عزيز النفس وقته يهينه

ماعندي الى الصبر والصبر منجاه
والصبر من قسم العقول الرزينه

© 2022 - موقع الشعر