ردي على الشاعر بدر الروقي - رائد العالي

اشرب الفنجال ياراع الجزال
السعد فالك ومرسولك وصل

يابدر ياذخر وافين الخصال
التطور زاد وازداد الخلل

الزمن هَذا زمان الإحتلال
إحتلال الفكر بانواع الحيل

والنتيجه صار بالجيل إختلال
بالطباع وبالفعول وبالشكل

والشباب اللي نبيهم راس مال
ياحسافه خيبو كل الأمل

في قديم الوقت وايام القتال
راية التوحيد يرفعها شبل

لاحظو وشلون صار الإنتقال
بين جيل اليوم وأجيالً قبل

ياشباب اليوم ماشلتو ثقال
كل ماتبغون جاكم بالسهل

ماسريتو مع غطاليس الليال
مع مداهيلً خطر ماتندهل

ولا خذيتو من كريمين السبال
مكسب النوماس في شتى السبل

إنحراف الطبع من زود الدلال
من متى والرجل له روج وكحل

راح عصر الثوب الاول والعقال
وابتدا عصر الخلاعه والبدل

غيرها حاجات والله ماتقال
من سخافتهم ومن زود العلل

في زمان العلم بعض العقل زال
لو تشوف الطول في طول النخل

وفي زمانٍ فات كانو كالجبال
كانو العرّاف في عصر الجهل

الرجال اللي بهم مضرب مثال
جودهم في زود دايم مايقل

بالأصاله والعباده والوصال
والمحبه والتكاتف للشمل

الصفا من طبعهم في كل حال
ولا يفرّق شملهم غير الأجل

صيتهم لو كان زالو مايزال
وفعلهم بين النشاما ينتقل

يابدر هذا كلامي من خلال
واقعً يحصل وماضي قد حصل

إشرب الفنجال ياراع الجزال
وابشر بعزك ومردودي وصل

© 2024 - موقع الشعر