ردي على الشاعر غالي

لـ عبيد القلادي، ، في غير مُحدد، آخر تحديث

ردي على الشاعر غالي - عبيد القلادي

هذه قصيدة الشاعر غالي صنيتان القلادي
:::::::::::::::::::::::::::::::::::::::::::::::::

يابو فهد جيتك بالاشعار غازي
يوم القريحه بالمشاعر تضوي

انا عن المقفين ياعبيد عازي
بس الحسوفه والقهر حسن نوي

ياعل يجزي سود الايام جازي
منها تبين صاحبي من عدوي

بان الصديق الزايف الاًنتهازي
الي كما داب الحصاه متلوي

جاني بلبس المنصحين متوازي
وثقت ب لاًقشر والاقشر ينوي

وبقمة الحاجه توارى ولازي
ناديت قال الصوت جيتك مدوي

كسرت تقديره سوات القزازي
معاد فيها يوم خربت تروي

اقفيت وبنفسي يزيد اعتزازي
عنيد مهما صدوف بقعاء تسوي

كم لليلةًعديت روس النوازي
مجهد الفعل الخير شبيت تضوي

تقديري بدرس الحياه امتيازي
صميت درسي غيب ماقلت توي

دنياك هذي من فهمها مجازي
يصير من صكات بقعاء متقوي

والوم كثر الوم مابه مفازي
ماينفعك ترديد لوك ولوي

الياصار مارجلك تحتها عزازي
يافلان صدقني تطيح متثوي

::::::::::::::::::::::::::::::::::::::::::::
ردي على الشاعر غالي صنيتان الرشيدي

غالي غزاني في تماثل الأشعار
حرك هجوسي ياترى ويش ناوي

مااظن نفسه للمقفين تختار
ولاهوعلى طرد المقفي شفاوي

يشكي ظروف الوقت من الوقت محتار
من عاش ياغالي يشوف البلاوي

يذوق بالدنياحلاات وامرار
ياكثر بالدنياسعيد وشقاوي

خلك على الدنيا عزومً وصبار
ادفع بجنبك ياقوي الهقاوي

فعلك الحصان ومسلك الطيب مضمار
لعل ياتي مع اول الخيل ضاوى

اكفخ بجنحان السد يابن الاحرار
لاتصير في بيت المهونه أفداوي

ولاتعد صدقان الرجا بالرخا كثار
ياكثرهم عندك وكنك خلاوي

أهل المصالح لوجمعناهم الصفر
مجموعهم با لطرح صفرًيساوي

الياحتجت واحدهم يقدم لك أعذار
مايرغب العلياعن الطيب ثاوي

خفافيش الليل ولايحبون الأنوار
ياسرع روغتهم بوقت النخاوي

© 2024 - موقع الشعر