يقول من جواله أربع وعشرين
ساعه مشغل مير ماأحد أتصل به
والله لو إني من عيال الملايين
لاأقف مع المحتاج من دون طلبه
لكن فقير وكاسرن ظهري الدين
أنفض شليلي والمقادير صلبه
يابنت أنا ماني على ما تحبين
يقوله اللي موت الوقت قلبه
أصد عن عين الحسد والملاعين
وآدور أرفع ماكرن وأعتزل به
وأسهر على كاس الشعر وأشربه لين
يجتثني من واقعي وأنسطل به
أقولها يابنت من خاطرن شين
غلبني الحظ الردي قبل أغلبه
شوفي مع إني داخلن بالثلاثين
عجزت أجاري واقعي وأنشغل به
طفولتي وأحلامي اللي تخبرين
حطيتها يابنت في وسط علبه
شاعر وفي راسي قبيلة مجانين
وأحب أعيش الحلم لين أنقتل به
مسكين وآقدر جميع المساكين
ومافيه شي يستحق أحتفل به
و أنتي إلا دقيت ماأنتب تردين
واللي نأمل فيه مات الأمل به
والحين أنا من رايي إنك تروحين
وأنا بجمع مامضى وأغتسل به
يعني ترى مافيه داعي تدقين
الشاعر اللي مات بك مات قلبه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر