ابو عبدالله

لـ ، ، في غير مُحدد

المنسابة: هالقصيده اهداء لاخوي مهدي اليامي ( ابو عبدالله )

الجو رايق وببتدي بدع الابيات
وعناد مايكتب غير كل الجزيلات
شاعر ولا مني كتبت القصيده
يا كثر ما تذكر في كل الاوقات
ماني من شعار يا حي يا بلفيت
وما نيب من شعار اهل الحركات
شاعر ولي بالشعر صوله وجوله
وتفخربي الاحياء من قبل الاموات
سلام يا ابو عبدالله وذكرك طيب
وما فيه من طيبك يا طيب الذات
مثلك فخر للي ابي اعرفه
ومثلك شرف يا مرتكي للثقيلات
جيتك وفي قلبي شي(ن) غالي
وابي استشيرك فيه بباب العلاقات
قلبي له ايام وهو مير يصفق
مدري غلا مدري عنا او شهوات
احس بأحساس(ن) غريب ويوحي
واخاف لا يجيني ياخوك جلطات
لا شفت اللي اسمها دايم يفرق
تلخبط احساسي واحس بمعانات
اجي لها متلهف وابي اعلمها
وتضيع من فمي جميع العبارات
اصبحت مدري وش اللي صاير
لا شفتها اضيع واصير بمتاهات
هالشي اسمه حب والا شسمه
يا نعنبو حيها ضعت بمسافات
من قبل لا اعرفها وانا خوك طيب
ومن بعد شوفتها غديت بصراعات

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين