من عافني عفته

على كثر ما كنت احبك واداريك
وعلى كثر ما كنت بالحيل ابغاك

وعلى كثر ما كنت متمسك(ن) فيك
وعلى كثر ما كنت انا ادور رضاك

داريتك بعيني ولا يوم اخليك
وبكيت عالم لاجل ضحكة شفاياك

وطنشت من ناداني علشان البيك
واقول لك لبيك كلي انا فداك

والخاتمه اقفيت وراحت خطاويك
وخليت واحد عمر قلبه ما خلاك

رح يم اللي تو قلبه يناديك
ماني بميت لا على يوم فرقاك

من عافني عفته ولا عاد انا ابغيك
ومن باعني بعته ولو هو بشرواك

فارق توكل لابو حتى طواريك
ولابوك يا قلبي اذا جاب ذكراك