مساجله عثمان ال عبدالله التميمي الشاعر عبدالله الشويمان - منصور الوذين المري

عثمان :- -------
------------

لاصار مالك في هوى البيض حاجه
فانته مثل ديكٍ بليا دجاجه

ماعاد بك غير الحكي واللجاجه
واكتب ياكاتب عودكم صار مربوش

منصور :- -----------
-------------

اما انت عود ولاعيون تراعيك
الصيد قفى منك ماعاد يبغيك

ولافيك حيل تلقفه لين ياتيك
عزي لحالك لاخراب ولا خوش

عثمان :-----
----------------

خلك مثل ربعك اذا البحر طامي
يغطس به اللي جاهلٍ به وعامي

ولامن غرق ماتنفعه بالملامي
يلقفه تحت البحر حيتان وقروش

ولاصار مالك في الحياه اي داعي
اطلع وطمبح من عوالي الرفاعي

حتى ولو يقنعك بالهرج داعي
خله يولي لاحلالٍ ولا قروش

يشوف نفسه ضمن بعض الجياعي
لاشاف ظبي مر فوقه قناعي

ييعيش قصة حب فيها الضياعي
وانا اشهد انه يعشق السود وحبوش

منصور :-------
-----------------

ماهو كذا ياعود خل المدايح
نبغيك تقدم ونتعشى ذابيح

والا على ماقيل بلا فضايح
مسيار يادكتور وزيارتك نوش

لاتحسبن العربان مثلك وشرواك
عود تقافى والغنادير بحذاك

لاعاد مابك ثورة كون مناك
خلك تمشى ياقي العمر بالحوش

لاعاد بك حيل ولا فيك حيله
ماغير ترزم والردى بالفتيله

ياعود ياعود الشقا للحليله
الصيد في هالوقت ماكول معروش

عثمان :---------
-------------

اما انت يالمري تخاف المدامي
تكتم ولا تبين قليل الغرامي

ولا من نشدك انسان تفتي حرامي
وانته تدور لحم وارد مع طروش

منصور :- ----
-------------------

كلن على ماقيل ينظر بطبعه
عينه من اللي فيه ماهي بشبعه

ماعاد يقوى الحيل قد جف نبعه
الله يخارج من مصايبه والطوش

عبدالله الشويمان:------
-------------------

سلام يا عثمان عودٍ عصامي
وسلام يالمري محب النظامي

الكل منكم مستحق الوسامي
وسام ساده مابه الوان ونقوش

واحد على سطحه يدور حمامي
وواحد على السكه يدور حرامي

وانا اراقب ما يسجل امامي
واشوف شين يمكن يسبب الهوش

منصور :---------
---------------

يابو بدر خلك مع السيد الايمن
لاتقرب اللعبه ترى الحكم ديمن

عندي الولد وابغي العشى واتهيمن
ماعاد تلقى من المطازيز لو موش

خلك بعيد ان كان تبغي السلامه
ياعود مثله فوق راسك غمامه

لاعاد لاشده ولابك زهامه
اقفى زمانك كل موسك غدا بوش

عثمان رد على الشويمان:-------
ياعود جنٍ ابتداء في كلامه

وعلى التميمي صب اقصى ملامه
لاهوب لاصقر ولاهو حمامه

ماغير عود دايم الدوم مهروش
© 2024 - موقع الشعر