السفـــر ناويه بكره

السفر ناويه بكره على خط الحجاز
أطلب الله طوي بعده وتسهيل سفري

ماطلبت ألا إله عليه الأعتناز
غيرفزعة خالقي صارفن عنها نظري

لديرتن مابي دليله ولو أنه جهاز
خابرن دربي وأعرف إتجاهي وقطري

صح أعرفه وأدري أنه سهل والاعزاز
وأدرك نهاية طريقي وش عظم خطري

مير دام العمر فتره وفرصه وأنتهاز
بنتظر بارق سحابي على شان مطري

منك ياللي دون غيرك خذيت الأمتياز
لاتحددني على أقصاي وتجيب خبري

قبل عرفك كنت أوالي لحزب الأنحياز
لين هزيت المشاعر ودقيت وتري

وخذت خطوه عن يميني على صوت الايعاز
وجيتلك فارد يديني ومددت شبري

وكان ماجيتك ضحى السبت مع خط الحجاز
يجبر الباري عزاكم لياجاك خبري