النار ودلال على جالها صف
وربعك سناد العز حولك جلوسي
بين الشباب وبين من عمره أنصف
وشيبان منهم تستمد الدروسي
هذي حلات العمر من قبل يقصفّّ
قبل الجسد ينصاه دود ينوسي
ربعك ليا من الزمن جار وأعصف
تلقى بهم عز يزيل الهجوسي
مثل النجوم اللي ضياها تلاصف
الفرق شاسع بينها والطعوسي
وعزي لمقرود على كبر وأقصف
ماله ربوع ولا أمير يروسي
لو كان ماله وافر مايوصف
من غير ربع ماتفيد الفلوسي
وياسعود ماشاقن طريق مرصف
وعماير شوفه يجيب التعوسي
ماشاقني الا ديار توصف
لأرض الشمال أضحت بحسنه عروسي
حايل غلاها داخلي مايوصف
في ذكرها أسمر وأهيجن وأهوسي
ماأحلا هوى الغربي اذا الليل انصف
وداعب على نفحه عسيب الغروسي
وعسى الذي منزل تبارك مع الصف
يأمر بنقلي يم ذيك العروسي
وصلوا عدد ماصف بالفرض من صف
على النبي اعداد رمل الطعوسي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.