حال الشعر

الشعر لا من غاب وزنه ومعناه
وغابت مضامينه ونقضه وفتله

معناته ان الشعر قل الله حلاه
ما دام جزل الشعر يخلط بهزله

والهزل يا شعار محد(ن) بيرضاه
ومهمة الشعار ماهيب سهله

واليوم اشوف الشعر كل تبلاه
وكل ورد للعد ويمس حبله

احدن يعود مايورد ضماياه
واحدن يوردها على نهر دجله

واحدن رقا في راس رجم وتعلاه
واحدن تحولبه من الرجم رجله

واحدن مدح نفسه ويمدح سجاياه
وهذاك يقطعله والاخر مسكله

واحدن يقول انه دخل في المعاناه
يبغى يقلد حب عنتر وعبله

واحدن ليا منا بحثنا خفاياه
يجيبها مابين ميله وعدله

واحدن على كيفه يعدد مزاياه
يرقص على الموال ويدق طبله

واحدن مع اصحابه يقلب نواياه
عمله لها وجهين والشكل شكله

ان كان هذا مستوى الشعر عفناه
والشعر ياهل المعرفه ينؤسفله

يا مشرفين الشعر حلوا قضاياه
ما باقي من الصبر يكود قفله