سواد الشراشف - هزاع الشيباني

لا والله ألا حان وقت المواقف !!
مواقف اصحاب الجنوب المتينة

في ساعةٍ فيها ( البلاوي ) ترادف
من بعد وقت العافية والسكينة

دارت رحا الفرقا وضاع التكاتف
والجود حبَة ما يخارج طحينه

يا جاعل ٍ بعد التوافق : ( تخالف )
ماعاد روحي في غرامك رهينة !!

حذفت رقمك من جميع الهواتف
النَفس طابت // والكرامة ثمينة

لا عاد هاك اليوم : ( يوم التعارف )
يوم التقينا في شمال المدينة

قبل ايتبَين لي ( سواد الشراشف )
من تحتها : ترمش عيون الظغينة

بالامس غالي مير هاليوم آسف
اعد دكرى الامس دكرى حزينة

ما انته على منبر هل الشوق واقف
وقعت وقعة يا عدابي مشينة

بالمختصر ياللي تحب السوالف
ترا الحكي لا زاد ديني ودينه

حبَك وهم وانزاح والجرح سالف
يوم الخلف دواى جروحٍ دفينة

ولا هي غريبة دام للعشق حادف
في سلَة ٍ من طبَها مهملينه

مفروض يوضع في وجيه المقاذف !!
مدام دور العاشقة تلعبينه

عشق(ن) لك الله كل دربه : مجارف
لا بوه .. لابو من تمنَا سنينه

قلته // وانا القلب الكبير المجازف
قلب(ن) يراعي مصلحة ساكنينه

لكنَ عفواً : مثلنا وانت عارف
عزيز نفس ولا تفكر تهينه

لا خير في بيت(ن) تهزَه عواصف
ولا خير في رجلٍ رضا بالغبينة

وانا صبرت وجرح قلبي تضاعف
ولا دون حلق الصابر الا يدينه !!

ولاهي بلحيَة صبر يوم العواطف
اضحت بليَا روح عظم وعجينة

هدا الصحيح اللي تقوله عوراف
طبع الركادة يالخفيَف يا زينه

اركد ولا به بعد هدا توالف
بيني وبين اهل النوايا الللعينة

© 2024 - موقع الشعر