عين الجرادة !!

البقا للَه ياعين الجرادة
مابقا فالآرض شيِ تدمرينه

وايَ شي إليا كمل بعد الزَيادة
ماله الَا النقص في تالي سنينه

والغريب اللي تغرَب عن بلاده
يا جعل ربَه على الغربة يعينه

ما يريد امن الحياة الَا السَعادة
والسَعادة غاية الروح الحزينة

ولا يبي عند الرحيل الَا الشهادة
قبل تشطح عند موته مقلتينه

والزَمان اللي معنيني جهاده
قام يومي قدم عيني راحتينه !!

رحت اصارع شدَته صبر وجلاده
مرتكي للحمل واضلوعي متينة

مومنٍ : للَه ذلَي والعبادة
والمهونة للشياطين الَلعينة

والجلادة والتحدَي والريادة :
للقروم آهل المفاهيم الثمينة

والشَرف والطَيب للحرَ ابهداده
والله انَه ما يصيد الَا السمينة

صيرمي يا بعد هقواته وماده
راس ماله شيمته ياطيب عينه !!

فيه ما تظهر علامات البلادة
يالرَخوم اللي رضيتوا بالغبينة

البليد ايكبَر ان نام الوسادة
مثقل الهدروس كاهل منجبينه

من وهو طفلٍ يرضَع في مهاده
مشربينه طفلهم واموكَلينه

ما يفكر في بروز ولا سيادة !!
همَه انَه ياعرب يملا بطينه

بوَة(ن) ممشٍ معه نحس وقرادة
علمَوه الَله يرحم والدينه

لا يقرَب والغنيمة بابتعاده
واحدٍ بالمختصر ديني ودينه