قالت زعلت؟ وقلت وشهوله ازعل؟

قالت زعلت وقلت وشهوله ازعل
دام الزعل بسباب ماهو بليّا

ماياتي بدون السبب لو تبدل
يبقى على نهجه والاسباب كيّا

واللي يقول انه بحر مايزعل
انظر سفينة بالبحر يوم سيّا

اسبابها بحر(ن) زعل من تعلعل
ريح(ن) وكان الوقت فيها عصيّا

وبعض الزعل ودك بشده اذا دل
وأقرب جدار(ن) ترضخه بالقويّا

هاضت قريحت بدر يوم(ن) تعدل
من كلمة(ن) جاته بوقت(ن) سهيّا

واللي بدا مني على كلمة ازعل
هذي شويه يوم هاضت تهيّا