ضاع البصر

خذ رسالة صاغها قلبي وانا منّك ضحيّه
والبشر نوري ولمْسةْ يدّي اليوم النّظر

خذ قصيد"ن" من فؤادي عجْزت اتخطه يديّه
خفت اكتب وارجع اكتب بعدها بْنفس السّطر

كنت اشوفك من وصوفك غير عن كل البرية
لا ب حمْير او ب زيدٍ أو ربيعه أو مُضر

كنت اشوفك صورةٍ فيها الْخجل وردة نديّه
ياسمين اتحوّلت جوري وعيّت تستقر

لين قالوا عرّست ، صارت لحد غيرك وفيّة
قلت كيف الغدْر يولد اوفيا !! آآآآ يالْقهر

قلت لالا تكذبوا : البنت هاذي بسّ ليّه
قلتها ودموع عيني فوق خدّي تنهمر

واضعنت اجواء وجهي لي ديارٍ ساحلية
تمتلي وديانها بالدّمع فاير بالجمر

صار شوفي بعْد دمعي كالليالِ السرمدية
ويل حالي بعد حولٍ من خبر ضاع البصر

ودّي اسأل بعد نزفي بعد موت الأبجدية
هل ذرفت الدّمْع ولا ما ترك قولي أثر ؟

مطلبي : عطني عيونك ودّي آشوفك شويّة
ودّي آشوف الملامح من على وجه الغدر

ذي رسالة صاغها قلبي وانا منّك ضحية
فوقها دمعة أخيرة من عيون إبلا نظر