حقايق

حقايق واقع مْعاصرْ غفتْ عنْها كثير اقْلام
نشفْ منْها غزير الْيمْ ولا بهْ شيّ للعزة

اسير بْظلْمتي مرْتاب انادي صحْوة الْأوْهام
صحيت بْظلْمة الْمنْجمْ ولا بهْ شيّ للعزة

هقيت الْحاضر مْشوّشْ وثارِ الْغدّ صفْر احْلام
معرّبْ خال وجدّ وعمْ ولا بهْ شيّ للعزة

زلازلْ ثامن الرّخْترْ حطام بْخافقي اكْوام
تكدّسْ همّ فوق الْهمْ ولا بهْ شيّ للعزة

غدى داني رفيع الْعزْ رحلْ معْتزْ ذليل اقْوام
تغيّرْ حالنا للْغمْ ولا بهْ شيّ للعزة

بسرْقةْ ناس تعْلى ناس وحب الدّين كود لْثام
ولا لهْ منْه غير الشّم ولا بهْ شيّ للعزة

قليل الْأصْل والذّمّهْ كثير الدّخل: كلّهْ دام
خدع ناس"ن" بقولةْ سمْ ولا بهْ شيّ للعزة

صدى صوت الضّجيج فْكلّ عرق منْ ضميري قام
صرخْت وحولِ ناس"ن" صمْ ولا بهْ شيّ للعزة

دعيت الْواحد الْقهّار يبْدى فصْل يوم حْسام
ويرْقى حالنا ويْعمّ فخْر الدّين والعزة