عامي الـ 18 - غادة العلوي

كبرت بعين أحزاني .. ي دنيا لاتحسديني
أبي كيكة .. أبي شمعة .. أبي لعبة .. أبي حفلة

أبي أمّي وأبوي وكل صديقاتي (تغنيني)
عشان آحس لو ساعة بأنّي يابشر طفلة !

يا عامي الثامن عشر شلّي من الدنيا جنيت
مرهون عمري بالثرى وتدوسه رجلين القدر

لو كنت أنا ماني أنا ماطاحت دموعي وبكيت
ولهي على ضم السنين إللي خذت منّي الكدر

مضى عمر وبقى عمر وأنا أحسبك ي سنيني
شريت وبعت في وقتي .. تجارة/اسمها غفلة

ي يمّة سامحك ربّي .. بليتيني .. ولدتيني
يهين الدهر أحلامي .. أصفق له وأهتف له

© 2024 - موقع الشعر