التوجد

ياوجودي وجد من راح في وقتٍ مخيف
في سموم القيض والذيب بالصوت ايعوي

والذلول اللي عليها مزاٍدٍ له عسيف
غر فيها بعقلها يحسب ان حبله قوي

راح يطردها بتالي الجهد قد هو ضعيف
لين طاحت بندقه والفشق فيها سوي

قلط المزلاج والذيب مقبل له صفيف
وفي ثوانيٍ كزها وكذبت كل النوي

رد للخنجر خابرها شباها حد سيف
مادرى ان انصابها في حديده ملتوي

اعتزى يومن قرب حفيفٍ من حفيف
وطوح ابصوته ياعزاه مايوجد خوي

مادرى الا صوتها مثل رعاد القنيف
طلقة في راس سرحان ماجاته غوي

التفت ثم شاف سمحه تزرفل بالرديف
فوقها ربعٍ على الموت كلٍ مهتوي

فوقها اخوه المسمى وولدٍ له لطيف
بالاثر قصوه من خوفهم ثار اعبوي

صاح من فرحته يومه مديم وزيد شيف
وفرحته بشوف الجماعه بعد كان اخلوي