كلن علا ماقيل يتبع هوى البال
وانا هواي البر والنار والكيف
والمجلس اللي يجمع ارجال برجال
فيه النوايا طيبه والسواليف
وسجةٍ مابين وديان وجبال
ومشاهدة نوٍ مزونه مراديف
بالديره اللي للمطاليق منزال
اهل الفعايل للتقا السيف بالسيف
تاريخهم قايم علا العز لازال
والله يدوم العزصيف ورا صيف
وياطيب مسراح علا غير مقيال
والرجل ترقابي من منيف لمنيف
اندور المقناص ولهم ينزال
أليارقبت عيني الوبارا مطاريف
ولآ القهد لاطارمن جال لاجال
وطيرالحجل غناولج الغطاريف
واخوة اللي لاقساالوقت مامال
مثل الجبل ثابث بوجه الصواديف
أخوة اللي صادق الوعد لاقال
يوفي ولوطالت عليه المشاريف
الصاحب اللي لاهرج هرج عقال
مايعرف أعلوم الاكاذيب والزيف
يشري وجودي صاحبي قدروجلال
وشري وجوده دون كل المعاريف
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.