الحظ العاثر - وسمي العبيان

مليت من همى اللى ساكن(ن) فيني
مليت من فكرى اللى بالهوى حاير

مليت انا اتبع غرامك يابعد عيني
وفيت لك يوم حبك وافين زاهر

كنت الامل في حياتي ياهنا سنيني
كنت الوفا في حياة الحب ياعابر

كان الامل في عيونك دوم يعنيني
كانت عيونك امانى في زمن كافر

اشهد بانك قدرت انك تنسيني
نسيتني ماضى سنيني مع الحاضر

من سبتك هاجس اشعاري معنيني
لجلك مسكت القلم وصبحت لك شاعر

لكن خلاص انتهى ما بينك وبيني
غابت عن ديارنا شمسك مع الناظر

بانت حقيقة غرام (ن) كان معميني
بانت مواضيع ماكانت علي الخاطر

كذب زمانى كذب منهو يواسيني
انت الممثل ووقتى مخرج(ن) ماهر

وقلبي المشاهد تقمص دربك الشيني
وش العمل يازمانى بحظي العاثر

عقبك بقايا جروحى اليوم ترثيني
ترثى مشاكل زمانى وقلبي الطاهر

خلاص مرجع ولو حبك يناديني
غلطة يتحمل عناها خافق(ن) شاطر

مليت انا من عذاب(ن) ساكن(ن) فيني
بختم وباحرق دفاتر شعري الحاير

© 2024 - موقع الشعر