ليته يحس

لو هو بكيفي خذيت اللى تمنيته
لكن ظروف الليالى ماهي بكيفي

ياما وياما يا بوسالم تحريته
شوفه بعيني ربيع وغيبته صيفي

من غاب عني خياله ماتناسيته
سبحان رب(ن) عطا حسن التواصيفي

لا ما نسيته مدام القلب هو بيته
يسكن بوسطه معزب ماهو بضيفي

حبه ملكني ولو بعطيه ماوفيته
ادري بطبعه حنون وقلبه اسخيفي

ليته يحس بخفوقن يعشقه ليته
العمر من دون قربه شين ومخيفي

كل شي لجله فماضي الوقت سويته
مدام هو غايتي واغلى مواليفي

مديت كف العطاء والود مديته
مدام قلبي عليه يحن ورهيفي

طيفه اليا من لفاني قمت ضميته
وادرى يفز بغيابي لالمح طيفي

كريم طبع ونزيه اخلاق لاجيته
رزين مايتبع اللى هرجهم زيفي

جرح المفارق بوسط القلب اخفيته
والدمع بالعين يبطى مابعد شيفي

بأسباب ظلم السنين الحب عزيته
مات الفرح والحزن كسر مجاديفي