الاصحاب اللي يتجاهلون الصداقه - سعد سالم

لاشفت بعض الناس يصد صديت
اصد عنه مايجيلي على بال

انا الا مني نزحت وتماديت
مانيب اعيش مع الظعيفين بأمال

واللي يقدر عنوتي لاتعنيت
ارفع ثنا مجده على راس ماطال

لادعاني داعي الخير لبيت
مانيب اعيل ولاتهاون المنعال

وعندي على الميعاد دقه وتوقيت
والله هو اللي محصي كل الأعمال

اخاوي رجالن لهم بالوفا صيت
اللي لهم بالطيب ماقف ومنزال

وانا على المعنى بقولي تقصيت
ذا قول منهو لابغا القافيه قال

اسهبت فالموضوع بقولي وسويت
عسا تنال اعجاب ذربين الأفعال

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر