لاصرت ميت فيك وشلون ابنساك
ميت وروحي ناشبه في وريدك
اهواك لا والله البلا يوم فرقاك
أنساك لا والله وقلبي بأيدك
طرياك ماغرب عن النفس طرياك
اهواك لا والله شعري نشيدك
وش جاك غير الحب بلاه وش جاك
يهناك عطري لاتفيخر بجيدك
شف كيف صدري صادق الود غذاك
ورسايله دايم تحالى بريدك
الله لايجزاك بالخير وش جاك
ونا مثل ماانا على حطة ايدك
يالعنبو حظي على الصدق ناجاك
ولا انا المفروض مع سيد سيدك
ماهوغرور الموت لاقلت ماأبغاك
متى يهل العيد لاهل عيدك
متى متى تنور بالاشواق ضلماك
متى تعود لروح قلبك وحيدك
نار العطش عندي ولا الفرحه بماك
اكرهك حتى الكره زود رصيدك
وش باقي من الشعر والحب ماجاااك
نشفت دمي لعنبو نار قيدك
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.