الليه جيت
 ولك معي حفنة وجع
 وشعر ٍ جديدٍ كاتبه
 وسربٍ حزين ٍ...من بجع
 الليله محتاجك كثير
 الليله يا تكوني انتصاري
 او تكونين انكساري
 الليله جيت وكلي عاري
 عاري الا...من ضمير
 الليله محتاجك كثير
 الليله محتاجك مثل
 ما عمري احتجت لاحد
 الليله محتاجك كثر
 ما اظني احتاجك بعد
 الليله يا ميت.... يا ميت
 الليله يا ميت بدونك
 والا ميت في عيونك
 وانتي حره
 يا الهي..
 كنت افكر قبل اقول
 صرت لا افكر 
 ولا اقدر اقول
 قولي انتي:
 قولي اني ما نسيت
 كل مافي الامر اني
 جيت اضمك واستحيت
 قولي اني ميته بدونك..وفيك
 واني من صغري احتريك
 واني اكبر
 ...........اكثر
 .............اخضر
 لما تلمسني بديك
 ياالهي..
 لو تقوليلى احبك مثل 
 ما كنتي تقوليها زمان
 كان اخلي الليل
 .......اخلي الليل
 مدري وش ممكن اخلي الليل
 بس اخلي الدنيا كل الدنيا ليل
 وأعشقك واسهر واحبك
 وأشرقك وامطر واحبك
 وأشهقك وازهر واحبك
 الين...............احبك
 يا الهي لو تقوليلي احبك
 كان اضمك لين تنزفني الجراح
 وافتح بالهاليل دربٍ
 واعبرك لاخر صباح
 بس قوليلي احبك
 وشوفي وش ممكن اسوى
 وانتي اكثر وحده تدري
 مثلي وش ممكن يسوي
 تذكري..
 تذكري لما قلتلي: تعال
 يا ولد طاب الجنا
 اذكر اني سلت
 ...............ملت
 ...............قلت:
 طاب الجنا والا عسى ا م الجنا لاطاب
 وجيت..
 والليله جيت
 الليله جيت ولك معي
 حفنة وجع
 وشعرٍ جديدٍ كاتبه
 وسربٍ حزين ٍ من بجع
 الليله محتاجك كثير
 الليله يا تكوني انتصاري
 او تكونين انكساري
 الليله جيت وكلي عاري
 عاااااري
 عاري الا من ضمير

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين