الليله اللي غير عن كل الليال

الليله اللي غير عن كل الليال
سهَرتها والقلب من حزنه كسير

أجمّع أفكاري ويقتلها المُحال
وأدخل بدوّامة .. يصير أو ما يصير

هَمّي مطاولني ووضعي لا يزال
لا سمّح الخاطر ولا ساق البشير

يا الله يا مرءسي على الأرض الجبال
تفءرج لنفس ٍ ما لها غيرك نصير

يا جاعل الدنيا نزول ٍ وارتحال
أنا بوجهك من عَنا الوقت العسير

أضحك معَ السالين وهمومي ثقال
ما هو لأجل ينقال لي : سرّه في بير

لكن طبوعي كسءرها صعءب المنال
فيها شقاي .. وعزتي .. وأشيَا كثير

كم بعّدَتني عن دروب الإنحلال
كانت لي اقوى رادع وأصدق نذير

وكم وصّلتني للشواهيق الطوال
غصبٍ على الحاسد ومعدوم الضمير

يا خضير بن نايف قبل طرءح السوال
يا قدءوة الجيلين الاوّل والأخير

الكلمه اللي سبّبت فيك انفعال
بَوحي بها من باب تقرير المصير

مدري يجوز تقال .. والاّ ما تقال
بسّ الأكيد انّك بأحاسيسي خبير

تعَبءت اقلّبها على كل إحتمال
وأعءيَتني الحيله وانا رَجءل ٍ بصير

وش عاد ابَرجي دام عندي راس مال
يسوى مكاسب منءزل ٍ ظلّه قصير

أنت وهَل العلءيا حميدين الخصال
من لا ضمَنكم فالزمن يُحسب فقير

أفخر بأساميكم .. وهاك أبلغ مثال
( تاج الأدب ) .. خالد بن سعود الكبير