القلب ملعب

القلب ميدان لك ياسيد الملعب
عطني قوانينه وغرد بدستوره

سنين مرت ونا مهاجر ومتغرب
وفياض قلبي من الغالين مهجوره

معذور راع الولع بالحب له مكسب
بقلبه عطا واجتهد في شوق مقدوره

أتعب ورب الخلايق فيك انا اتعب
أغضب طبيعي لأن الدم له فوره

النار فيني وفرقاك الخشب تحطب
رقيت سطحه طبيعي تخترق سوره

ماكل طيرا سهل في الصيد والمطلب
لكن ادور عذر لنفوس معذوره

لاتكون ماخذ بنفسك يالغلا مقلب
وتغرك الهيئه وتسرح مع الصوره

يالوعة الحب لا والله ماأكذب
انا خلاصة غرام القلب وشعوره

انا بدوي كل همه بس يزرع حب
ويتمعق باصله ويتعب على جذوره

رويتني يالحرير الحر وش تحسب
جبينك الحر من يقدر على نوره

شفني بعد غيبتك بالحيل متكركب
شبح خيالي وقف حرفه على زوره

لولي طلب صدقيني اني لو أطلب
ساعه بقربك لو الأعمار مقصوره

معك الثواني تروع الحيل تتذبذب
تسرع يامال القشر وتسابق الكوره

لاكن على الله ولاعن حكمته مجنب
يافرحة الشعر ياصيته ياجمهوره

يادورة العرض يافتان يامربرب
ياثورة الأرض لو زلزالها ثوره

ولا انت مسكين ايا قلبي يامعذب
جبالك الشامخه ماهي بممطوره

من عقب ماراح لا مالذ لي مشرب
سنيني الملح والاجواد مذكوره

بالخير دايم ونا بالحيل متشعب
دورات غدر الليالي فيه مشكوره

العب بقلبي شباب الروح ماتتعب
سنتر بصمامه الايمن يادكتوره

انا كما الذيب في عليائهي يقنب
يامعدي العاليه ماشفت .. بلوره ؟

ويجاوب الصوت يامجنون لاتكتب
على غدير الضما والنفس مقهوره

يمر ليلي ونا من جورك اتقلب
والنفس بالوجد والونات محفوره

ويضيق فكري بعد مايذن المغرب
الروووح ياصاحبي ماهي بممطوره

وطلبت فرقاي يالغالي وهاك أشرب
وفرضت حظر التجول دونما شوره

حتى لو البعد يقطع عني الكهرب
واعيش ضلما الفكر والنفس محظوره

اخير من بعدك اللي دمر الملعب
وقضى على الشاعر بكوره ورا كوره

سدد دخيلك بقلبي واحكم المضرب
حتى تموت العواطف منك معذوره

تفضل اقلط على جرحي هلا وارحب
وقف مع الموت في صفه وطابوره

أنا طبيعي اكون بعينك المذنب
شاعرك والله لوان اليوم مقدروره

لخلي الشمس تطلع لك من المغرب
وأقول للشمس معذوره ومشكوره

منه طلع بعدها معذور لو يتعب
كل الاضاءات عندي فدوه لنوره