سلام يادار قلبي ياشفا الامي - نايف الذويبي

سلام يادار قلبي ياشفا الامي
لوغبت مافية غيرك في سما وجدي

ابصم بقلبي قبل لايبصم ابهامي
في غربتي فاحت ادلالي على سدي

سطرت لك هالمشاعر دمها حامي
وفكرت لك في دوا يشفيك ياودي

دواك وصل الحبيب النايف السامي
وشفاك لامرت شفاهك على خدي

ردي علي الجواب الشوق لاقامي
ماطاح لو كان حال النفس متردي

فداك جرح الخفوق النازف الدامي
ولقاك ودي وتقبيلك بعد ودي

ياربما رميتن جتني بلا رامي
يااخر واول كؤؤس العشق ياوردي

سافرت لك والخفوق العذب متسامي
وطامرت لمواصلك لاياخلف جدي

ياكل ربعي ودرع القلب وحزامي
حلفت في حبك المجنون ماأهدي

ون كان ماكفتك أشعار أقلامي
كتبت لك شعر من دمي على البردي ((( ورق للكتابة سابقا )))

سوقي علي الدلال وبحري الطامي
يتلاطم الموج فيني جزري ومدي

ياانتي الشوق كله نبع الهامي
لافية قبلك ولايمكن يجي بعدي

رجلن يصل في هواك ال مستوى اقدامي
ولاغيومن تحاول تحجب الرعدي

أسقيتني حبك المجنون ياضامي
واسقيتك البحرحالي واكتبت يدي

أن العطش في الغرام أحساس أجرامي
ون القناعة تجي وتروح و تعدي

ماني قنوع بمحبة عطر الانسامي
الا بعد مايلامس قدها قدي

واتيه نشوة خمر سقتية بعظامي
مافوق غير بغيابن هدني هدي

تدرين وش كثر ماجيتي باحلامي
كثر النجوم وكثر من يزرع الوردي

لوكان حبك يوصلني لاعدامي
أحب اموت برجولة عاشق امودي

الله ولا الهاجس المجنون ياسامي
اجي لعينه بسرعه وقبل مااهدي

اضمها ضمة الولهان وهيامي
فيها جنوني ودرب الموت متحدي

ياقطرة الموت راعي غصني النامي
ودي بغصن الغلا ينمو ويشتدي

غلاك خالي وقربك اصدق أعمامي
ودفاك ربعي وقلب الغالية جدي

صورة من الشعر وبتوقيع ابهامي
وتخيلوا كيف يصرع ضبيها أسدي؟

فعلا مناتي فانتي شرقي الشامي
يامن برجوا مفاتنها اللتي تهدي

عبقا يزلزل اسهابي واسهامي
في وردتن عضت العناب بالبردي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر