جت تبي تلعب علي اوتار القصيد
وسط قلبن هزه الشوق وعماه
وابتديت اكتب من المعنى واعيد
قصدي اوصل قلبها واكسب رضاه
وجاتني قالت ابى شين جديد
ما كفى قلبك ولا قلبي كفاه
وقلت انا لك حب واحساس وريد
اجري ابدمك ووصل مبتغاه
اوصلك ووصل لك احساسي وازيد
القصيد اللي سكن قلبي فضاه
واتعلم منك واكسب بك واجيد
كل شين بالقصيد الا شقاه
والشديد اللي ملك قلبي شديد
حبك اللي فزله قلبي وجاه
كن حرف الشوق والمعنى عبيد
لك ولعيونك يغيم بي سماه
والاكيد اني ابى قربك اكيد
مابها شكن هوى قلبي هواه
حبك اللي ساكنن فيني وحيد
ومالكن قلبي ومتحمل عواه
وكل ليله يوقد المعنى واقيد
لك شموع الحب واجدد ولاه
والحقيقه مابنا قلبن عنيد
كاسبن قلبي وانا كاسب رضاه
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.