طفلة(ن) في مرتع الخاطر ربت

هلّت العبره بخدي وإكتبت
صرخةٍ أمسى لها القاسي شفوق

من غرام(ن) في حشا روحي نبت
وانتشر بين الخلايا والعروق

طفلة(ن) في مرتع الخاطر ربت
في محياها سكن لون الشروق

حبها كنّه سحابه وإسكبت
رحمة المولى على قفر(ن) حروق

أحتوتني واهتوتني واسلبت
خافق(ن) ماجرّب الطرف السروق

أشرقت في عالمي ثم اغربت
واشعلت في ظامري نيران شوق

عذبتني .. كيف بس استعذبت
دمعي اللي فوق وجناتي سبوق

إبعدت والروح منها قرّبت
ليتها ما عانقت قلبٍ وموق

أشهد إن الروح فيها إتعذبت
بعدها ما للعمر طعمٍ وذوق

حطمتني بالجفا و استغربت!
هالجبل يهتز من ضربة عذوق؟!