تقول انسى واقول شلون ابنسى جرحي الدامي
مادامه غامر ظلوعي وقلبي غارق بنزفه
تقول تجاهل وجدة ولو جمرة الجفى حامي
واقول الجمر مايحرق سوى اللي قاظبٍٍ طرفة
ولا يعرف الوجع غيري ولا حدٍ ذايق الامي
وكل به جروح ولكن الأسباب مختلفة
دخيلك ياعيوني لاتخلي الشوق وتنامي
وقلبي له ثلاث أعوام لذيذ النوم مايعرفه
يصارع عصف ريح الهم بليلٍ سرمدي طامي
ولا يرسى على الحيرة سوى اللي بنبظته لهفة
وقفت بقبة ضلوعي وقمت أبعثر حطامي
واشيل اللي بقى مني على هاجوسي العجفه
بقايا قلب ورفات الحنين وحدب العظامي
دواة الحبر وحروف القصيد وقشةٍ صلفه
تلفحت المشيب وطاح حيلي ورجفت اقدامي
بنهايات السطور اللي بها قافي لقى حتفه
