فرحة عيد

لـ وصفي الصبرات، ، بواسطة سماهر، في غير مُحدد

فرحة عيد - وصفي الصبرات

ألا يا ورد ما تسوى حياتي دون ما شِمك
ولا تسوى حياتي دون وجودي بين أحبابي

يجيني عيد وبعده عيد ألا يا عيد ما حسك
ولا حسيت بالفرحه ولا في لمّة حبابي

حبابي بعاد وكيف أفرح وكيف أهنى أنا بقربك
وأنا ما عاد لي عرقن يجاريني ويهدا بي

تخيل واسرح بفكرك أنا يا عيد أبوصفلك
وأنا أدري مهما بوصفلك بيعجز وصفي وإعرابي

ترى وجودك بدون أهلي مثل فرحة بدت تهلك
مثل بوسه على خدن كساه الشوق ونيابي

أشوفك تبكي وإنته العيد بالله إبتسم وإضحك
أنا ما ريد ألا يا عيد تزيد بهمي وعذابي

أبيك تروح يمّ أهلي وتهنيهم على مهلك
تفرحهم تهنيهم تواسيهم على غيابي

وإن سألوك عن أخباري وحق إلي خفا بدرك
تطمنهم ولا تبخل ولا تقسى على حبابي

ترى لي أم ما تقوى على همّي وحق إسمك
ولا ترتاح إذا حسّت ترى بهمومي ومصابي

ولي أبن حنون القلب ودافي الحس مثل حسك
تراه يخاف إذا في يوم هوا الدنيا تلاعب بي

أمانه تقلهم فرحان ولا تكذب عِلِي قدرك
ترى قولك صِدق عني فرحي بفرحة أحبابي

وأتمنى عليك إن جيت بَعِدها تلِمني بشملك
تعايدني وسط أهلي وسط أحبابي وأصحابي

© 2024 - موقع الشعر