فرحة زماني

ياوقتي وش علامك صرت فعيوني ألد أعداي
تخلي كل هالدنيا.....تجي عندي......وتبلاني

ياوقتي.....تبغي اشكي لك... وانزّل نفسي بشكواي
تبي أرخي لك الهامه.....وتامرني....وتنهاني

أنا شكواي للي له بداياتي وله منهاي
أنا شكواي لله ماشتكيها لواحد(ن)ثاني

وإذا قصدك تبي تضحك علي....وتستلذ ابكاي
حراااام إني لااحرمك لذتك يالقاسي الجاني

حرام إني لااموت ودمعتي ماحدّرت عيناي
حرااام إني لااموت ولاأذكر إن الوقت بكّاني

تضامن....حظي العاثر مع وقتي على بلواي
وغدى حظي مثل وقتي...تردى بي وعنّاني

كذا ياحظي العاثرتكّرر عثرتك وياي
ولامني تأملت السعاده.......طحت بحزاني

ولاعاد أشوف غير الحزن ولا أسمع غير صوت الناي
وصار اللون الأسود في عيوني سيدألواني

ومع هذا أنا ببقى عزيز ورافع(ن) يمناي
ولاتقصريميني يازمن دام العمر فاني

ألا ياشينها دمعة حزن لاجات من شرواي
وألا ياكبرهافرحة زماني اللي تحداني

ولكن يازمن اسمع خلاصة هرجنا والراي
تبي تكسب على حسابي حرام(ن) منت كسباني