ذكرياتي مدينه

صمتي جبال وذكرياتي مدينه
وادهى وامرالبوح لاصار زلزال

ولومايقيني باالخبرمن جهينه
ماهز نقال الخبر زامي الجال

القلب (قلب)ولويهزه حنينه
مانجدع الشرهه على باب الأنذال

واللوح لوح ولايسمى سفينه
لو تركبه ماحقق اصغار الامال

ياالصمت ونفاسي بلحضة سكينه
فضول بعض الناس ياالصمت غربال

والكلمه اللي تعتبرها ثمينه
ماتعتبر حكمه بقاموس الأمثال

الله يعين اللي تسافر بعينه
بعض الشوارع والمباني والأزوال

والروح لوماهي رهينه رهينه
للجرح مهي له على شان يختال

تحت الفراش احطهاعن جبينه
ولازلت انا بين المدينه والاجبال

وش حيلة اللي كل كلمه تدينه
وماكل كلمه لبيض الوجه تنقال

ادري غبينه وادري اكبر غبينه
تبقي الاسيراللي وقف عندالأطلال

والرجل تدري كيف تقدر تهينه
لاصار باالثنتين مافيه مثقال

والحلم في كل الرجاجيل زينه
زينه لسميت الرجاجيل وجلال

والدمعه اللي باالنواظرسجينه
ماعذربت لوتجرح خدود رجال