جاني مع الفجر علماً يشرح البالي - بجاد البقمـي

جاني مع الفجر علماً يشرح البالي
يامرحبابه هلا تقدير وتحيه

ممسن على خير لاذا صوت جوالي
يقصر على نغمته هرجت سحاويه

عاينت بعرف رقومه ماتهيالي
رقماً مريكي مهوب من السعوديه

دققت فالرقم لين اول مايطرالي
قلت ان بوش الردي ناوله بنيه

الونعم قال ابشرك الخطر زالي
انا ابو خالد وسويت العمليه

كبد المريكي لعين الجد والخالي
خذيتها بالريال وصابر الميه

قلت الله يبشرك بالخير يالغالي
وفزيت من مسدحي بلا شعوريه

يابوهلا مرحبا زين التبهلالي
تستاهل العلم الابلج والمبريه

بني حنيتيش من وافين الافعالي
من ساس جدانهم حماية الهية

والاد جغثوم لمن الحمر سالي
ادروعنا اللي لوقت الضيق مزبيه

وان جانهاراً شرير وحرب وقتالي
حنا لهم سيفاً مصقل وشبريه

مير انتبه يابوخالد وقتنا التالي
لايدري اوسامه ان كبدك مريكيه

ثم يرسل الي يبيع الروح طوالي
شغموماً يبيع نفسن مالها ديه

اما معه قنبله تهول الاهوالي
والا مثل جنسن بخنجر وجنبيه

ولاتطلع من البلد في كل الاحوالي
واحذر وانا اخوك لاتخاو الحونشيه

والعام ذكرتني علماً على بالي
قصيدةً وصلتك من عيد مبنية

والله لوخذت قطعة كبد ابو عالي
ان يشغلك كل صبح وكل عصريه

مراً يقول انتبه لاتشرب الحالى
ترى الحلا يثر بكبدي حروريه

ومراً يقول انت كنك ماتحفوالي
ماكنك بماخذن من كبدي شويه

وان زعل والاتسمع هرج عذالي
وابرق لنايف واخوه احمد ببرقيه

ثم قال يناس هالرجال محتالي
ضحك عليه واخذ من كبدي بليه

واصبحت مابين قال وقيل وجدالي
من قاضي المحكمه لاجيب دوريه

ويمكن يحكمون حكم الشرع طوالى
ترد كبده مافيها شك موليه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر