رماد الخفوق

صاحبي لا سالت دموعك سكايب
من سواة اللي تظن بتخسره

سهمهم لا كان قبل اليوم صايب
مد يدّك واسحبه ثم اكسره

من يعاند قسمة العشاق خايب
والحياة اللي بقربه مقبره

مات قلبه والحقيقه من سبايب
خانته مليون وحده تذكره

يشتعل في جوف قلبي له لهايب
يجمع رماد الخفوق وينثره

بالغدر زود على الدنيا عجايب
تعشقه يجفاك حبَّك ينكره

يحسب إن الحب وأحلامه مصايب
ما درى عمره بدوني بعثره

صاحبي دارت على الدنيا نوايب
والقسى منك وجوبٍ أشكره

خلَّك بدنياك تاخذك الركايب
ماغدت بايديك ذيك الجوهره