يانديمي

يانديمي اسقني نسناس كاسك
من يمسنك عاطش أحساسي دلالك

يشهد الله لاحياه لي بدونك
يشهد الله مايفارقني خيالك

وانت شعري ان طرا بالي فنونك
هز بحري اجمع افكاري حيالك

لا لحبي من محب معدا شجونك
ولا لقلبي من محب بدلن بدالك

انت روحي لابلي قلبا يخونك
بل جروحي عن فتن ماحن فدالك

لاتهاجس لاتصدق بي ضنونك
كم معاكس يخدعك يبلي حلالك

لاتصدق حرقت الغيره جنونك
قد تزلق خطوتك بعض المسالك

ان توهج نار شوقي صاح عونك
وان شكى جسمي حروقي حال حالك

اشغلني بالوله منظر مزونك
واحبسني بينهن زمرد هلالك

اودعني ملك واحات سكونك
وأربطني طول مطوالاحبالك