اسير الحب

لـ غير معروف، ، بواسطة سعود السويداء، في غير مُحدد

اسير الحب - غير معروف

اسير الحب لو صاح القوايل لا تلومونه
ترى قصدير قلبه من وحم نار الهوى ماعي
لا ياعذلين القلب تكفون لا تعذلونه
عذلتو والقلوب الهايمه ماتسمع الداعي
عليه الهم خيم والتعب والسهر لعيونه
سبب من لا جزاه الله صوابه بين اضلاعي
بكى مجنون ليل وان ابكى منيب دونه
انا الي في بحر ميه وعشره يكفخ اشراعي
بلاي القماش من حدر القماش مذهب لونه
لزمته ثم سمته سومه الصامل ولا باعي
وراكم ياهل المال المذهب ما تبيعونه
عشقت المال نوعه شاقني من بد الانواعي
احب السلعه الي من بلده مايعرفونه
عليها شمعه ماروجت بالسوق من ساعي
ثمان سنين ماغيرت زاد وسط ماعونه
والى قلت الهديه من زهور الورد ماطاعي
يا مغادر بلادك رافقتك السلامه
لو فراقك على روح تودك فجيعه
ماعلى العين وان طاول سهرها ملامه
اشهد ان الفراق الصبح شوفه شنيعه
ابعدو به وصار الهم لي والندامه
اطحن الغيض في كبدي وكبدي وجيعه
ابعدو به وحضي به مادرك مرماه
لا شربنا غدير ولا رعينا ربيعه
كيف بسلى حبيبي ميت في غرامه
كل ماجبه الطاري عليه هزيعه
لا تلومون من عينه جزت عن منامه
ماعلى الزين يا هلا الزين نفس رفيعه
ياعفيف نزيه ماينزل مقامه
عند المال غالي والشرف مايبيعه
بس حلو اللسان ومعه شبه ابتسامه
يطعن القلب برموشه وعينه وسيعه
يامليكه جمال الحسن فيكم وسامه
وان بدا ردى من بعض البني مانطيعه
انت سيد البني حتى تقوم القيامه
حامل صك من ريس قضاه الشريعه
وانت من مركز الزينات تاخذ علامه
بالحلا والرشاقه والحيا بك طبيعه
ودي ابعث جواب ولا اثق الى حمامه
واثق ان الحمامه سرنا ماتذيعه
اتطمن عليك وخيره العمر خامه
موجب لك قصور بالضماير منيعه
والله اني ماقول الياس منك ختامه
اترجاك دور اليوم الا تبيعه
© 2024 - موقع الشعر