بغيت اسير يم ابوتركـي الجـار

قصيده من الشاعر عبيد بن شريم بن سحمي القرفي البقمي
بغيت اسير يم ابوتركي الجار

ومبدا بلاعزام عيبٍ ومنقود
حيثه مقر الجودفي كل الادوار

جده وابوه متعبينه على الجود
ماوحيت نجر ولاجذبني سنا نار

لكن جذب لى الهوا ريحة العود
ليته عرض لى كلمةٍ لو معذار

والا علي ارسل من بزورته رود
في بيت ابو ساير حجا كل مضهار

المتهم منكر وانا عندي شهود
رد براك بن ماجد بن مضحي العاكور

يامرحبا في مرحبا عد الامطار
واعداد مادخن مع القوم بارود

بالشاعر اللي كلمته هزت الدار
لو ماحضر ماهوبالقلب مفقود

ياعبيد انا للي جرا صرت محتار
واللي جرا ياعبيد ماهوبمقصود

بيني وبينك لاتجي لعبة الفار
بعض العرب يقرد على الناس مقرود

لك عندنا ياجارنا كل مقدار
الباب دون الجار ماهو بمردود