لوعه وحرمان .!!

مدري ورى الليله تقول اتعس انسان
من ضيقتي ساعات ليلي طويله

من كثر مافيني من جروح واحزان
محتاج ابشكي بس من آشتكيله

ما عاد باقي لي من الناس خلان
راحو مع ظروف الزمان البخيله

قفّو وخلوني نهار الدهر شان
و اقفو بباقي الذكريات الجميله

ياليل انا ماني بمحتاج كتمان
في حاجة انسانن ٍ وفيّ ينحكيله

ياليل ياليتك معك قلب ولسان
و اعلّمك باللي حصل من رحيله

من قلب حبيته على طول الازمان
حبن ٍ صواديف الدهر ماتزيله

كم كنت احبه حب واللحين شفقان
لمواصله لوّ انّ روحي عليله

ودي بقربه مشفقن ٍ له وولهان
ما دام باقي لي من العمر ليله

ياليل راح العمر لوعه وحرمان
كنّ السعاده حاجتن ٍ مستحيله

ما ودي اقض العمر ياليل ندمان
بس السنين اللي تحطه تشيله