قصيدة الشاعر الاستاذ : محمد بن عودة البلوي التي شارك بها بملتقى صيف تبوك الثالث لعام 1427 ه بمركز الامير سلطان الحضاري تحت رعاية صاحب السمو الملكي الامير : فهد بن سلطان بن عبدالعزيز آل سعود حفظه الله أمير منطقة تبوك
بسم الله ابدا مع سلام وتحيه ***** مشاعرٍ من صدق ماهي سواليف
من صرح سلطان الوفا والحميه ***** من منبر اهل الفكر علمٍ وتثقيف
في ملتقى صيف البلاد العذيه ***** بالليلة اللي جت على البال والكيف
دعاني الواجب لزومٍ عليه ***** وحضرت اشارك معكم بملتقى الصيف
وشلون ما اشارك ونفسي وفيه ***** وعشق الوطن بين الضلوع المهاديف
سلام يامير بمحبه نقيه ***** مشاعرٍ ما شابها الغش والزيف
ضويت بدرٍ وابهج الجمع ضيه ***** رعايتك للحفل بهجه وتشريف
تسلم لنا يافهد من كل سيه ***** والله يجيرك من جميع الصواديف
لبست تبوك الدر واغلى الحليه ***** وجو الفرح ممزوج ورد وغطاريف
تعيش نهضه في صورها جليه ***** ومن حسنها فاقت على كل توصيف
بشتى مجالات التطور قويه ***** مع سرعة ايقاع الزمن دون توقيف
تبوك عشق القلب والجاذبية ***** ولحن الهجينية على الضمر الهيف
روح الحضاره والطباع بدويه ***** الورده اللي تجمع بلونها الطيف
شواطيٍ عذرى ونسمه نديه ***** من برها للبحر مامثلها شيف
دار الشيم والجود والشاذلية ***** يوم السنين عجاف يفرحهم الضيف
هذي شيمها من السنين الخليه ***** وتاريخها مافيه شكٍ وتحريف
وكل المناطق في وطنا سخيه *****في كل شبر من ثرى بلادنا ريف
المملكة عن كل وصفٍ غنية ***** فيها لكل الناس رحمه وتخفيف
مهوى القلوب المؤمنات التقيه ***** ويا كم من قلوب عليها ملاهيف
الخير فيها والحياة الهنية ***** وحكامها مثل الظلال المواريف
خدام بيت الله ومسجد نبيه ***** لضيوف ربي مرخصين المصاريف
عبدالله اللي نال حب الرعيه ***** صقر العروبه كلٍ بعهده مريف
وسلطان فيه الخير طبع وسجيه ***** رحيم قلب وللعدا خصمٍ مخيف
ودستورنا القرآن والمرجعيه ***** وسنة رسول الله منهج وتكليف
وحدة وطنا تنبذ العنصريه ***** وكل القبايل مع بعضها مواليف
غنّي لنا يالمملكه سامريه ***** وغني لنا عرضه وانا اميل بالسيف
مكانتك يالمملكه عالميه ***** متصدرينٍ بالدول كل تصنيف
عشتي وعاشو مدركين الوصيه ***** حكامنا اللي يحسنون التصاريف
يادار من دونك وقفنا سويه ***** ومن دونكي حدب السيوف المراهيف
نعشق ثراكِ وعاشقين المنيه ***** نقهر ولا نُقهر ولانقبل الحيف
واكبر دليل اهل العقول الغبية ***** نالو نظير العنف ردعٍ وتعنيف
واختم كلامي في سلامي هديه ***** وارجع واكرر بالتراحيب واضيف
جهودكم يا امير ماهي خفيه ***** معروفة للناس من غير تعريف
تبوك من حبك كما العامرية ***** تعشق سموك عشق مافيه تسويف
وانت كما قيس بغرام الهويه ***** وشلون ماتهواك ياسيدي كيف
مادام ترعى امورها بعبقريه ***** ورقيت فيها عاليات المشاريف
لوحه ومرسومه بفكره ذكيه ***** ابداع والرسام رسام حريف
وصلو على المختار خير البريه ***** صلو عدد وبل المزون المراديف
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.