سلام ردية وفا من خاطرن فيه القصيد
أعدها وأقولها والله يزين عدها
غنيتها لأهل الشكاله والوفا بجمل نشيد
من هاجسن يرفع تحايا وافره من عدٌها
يم الخوي اللي ليا حميت وقف جنبي عضيد
جاء في نحرها متقى من خوته في سدها
يم السبيعي والمراجل مالها غير الفريد
عبدالله اللي يحتميها لو تعدت حدها
حر" شهر في ماقفه والنصر عنوان الشهيد
من لابة" ماتخاف موت ولا كسرها ندها
نسل الرجال اهل الوفا والطيب والراي السديد
تضرب على كايد لو ان أرجال تاقف ضدها
في وقفته يشهد لها اللي من قريب ومن بعيد
يوم المواقف ماحماها غير منهو قدها
حقن على الاصحاب للأصحاب بالذكر المجيد
مايجهله غير الردي بالعرف عني ردها
وان كانت ناوي يالسبيعي يوم طريت الشديد
يابومناحي ياعساها خير وين تلدها
الله يهون وجهتك والله يحقق ماتريد
لو العرب في روحتك ياصاحبي ما ودها
أهديتها يوم المعزه ساكنه وسط الوريد
هاك الوسيمه والوسيمه وسمها في خدها
أهديتها للي فخر لامن بقت عنده رصيد
لي الفخر في خوته دام العزيمه شدها
حمود حامد الجابري
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.