اول ضحيه راح فرخ السلامي - بنت قبيلتها

ان كان ماجتني مدايح من الناس
عيبٍ علي ليا افتخرت بكلامي

وليا تغافلني خويي فلاباس
اموت عز ولااعرش العظامي

عالي مقامي وادري العز نوماس
وليا حنيت الراس عشت بظلامي

مانيب من قومِ لهم فعل جساس
ولانيب من يجفل سوات النعامي

بي قوة الحاكم ولي قلب حساس
وكني وليٍ ضاع منه الزمامي

ازريت اصدق لين غافلني الفاس
دمي غزير وصحت حالي تمامي

وهذي مواريها تسابق بالانفاس
فتحت عيني مير عشت الظلامي

يقطع نفوسٍ دون ذمه ولااحساس
ناس تجيب الهرج مثل السهامي

ناس تشابه كل وسواس خناس
ناس تغطي كل حق بغمامي

ومايستمر بيتٍ بلاعمدٍ وساس
ولااخبر عاش النذل مع كرامي

شربت زود الهم مع شربة الكاس
ولا زادت همومي تلقّيت ضامي

همي بحور وصرت بالهم غطاس
مدري علام الهم مدري علامي

مير الوكاد ان الخطر دق الاجراس
واول ضحيه مات فرخ السلامي

© 2024 - موقع الشعر