ليه الخطا

كم مرة ٍ تبكي .. وتزعل وداريك
وكم ليلة ٍ .. من همها ما تهنيت

افرش لك اجفوني .. وتضحك وغطيك
تعال في صدري .. وقلبي لك البيت

واليوم اشوفك مختلف في مواريك
تبغى المفارق ليه .. عني تخليت ؟

لكنْ .. كابر دام ربي مخليك
بكره تشوف الوقت وتقول : .. ياليت

شوف الزمن وايام تمضي وتسقيك
من مرها .. مادام للبعد خاويت

من غيري اللي باع عمره .. ويشريك
رح والعوض .. طاروق شلته وغنيت

شوف الحياة بعين عاشق ومغليك
تلقى الوفا .. في كل درب ٍ لا مريت

والحي من حبه يزيدك وحييك
والبعد مثل الموت ..! لو صحت ناديت

وقف .. وانا هاليوم بايع وناسيك
دامك على قلبي من الهم حطيت

واذكر ليالي ماضيه .. كنت اداريك
في صبحها .. في ليلها .. ماتهنيت

رح شف زمانك .. دور اللي يراعيك
والعمر لحظه .. في ثواني وتوقيت

اما تغانم .. فرصتك او .. تخليك
حاسب ضميرك .. لا حمكت .. وتعديت

فكر .. وشوف الحب .. في عين مغليك
فكر .. وفكر .. كم ضحكتك .. وابكيت

يا طير لك صقار .. لوح ويدعيك
وكرك هنا .. في داخل القلب .. لك بيت

ياليلة ٍ .. قمره .. انا جيت ساريك
صديت عني .. بالجفا .. ليه اخطيت ؟