باب الريح !!

غيرتي عميا وانا ماني صبور
هاك باب الريح حاول تَقْفَلَه

كل ماشع بغلانا طهر نور
صاحت اشباح الظلام اب/تعذله

ليتني بينك وبين الناس سور
واحتوي فيني نسمك واعزله

من وصل في حبك لحد الغرور
اقتله !! ماهو بحق ٍ تهمله

اتخبط فيك تكفى لاتثور
خذ جنوني فيك حاول تسأله

كم هدمت بدولة احلامي قصور
وكم شريت بواقعي من اخيله

اخذلتني صهوة القلب الجسور
اعطش وقلبك عطاني منهله

انذر وانحر من احلامي نذور
واسهر وانطر على باب الوله

دنيتي بستان وانتي لي زهور
جبت لك عمر النخيل بأكمله

لا ذبلتي برتدي لي ثوب بور
واعبر بعمر السنين الممحله

قابر ومقبور والغربه قبور
وين لي بين المقابر منزله

لا يطول الليل واشباحك تجور
اعذريني لانطقت البسمله

الغلا ميلاده بقلب امخمور
لا حديث ولا بآيه مُنزله

لو يطول البعد تمحاه العصور
وجرح خطواتك بدربي تدمله

دولة ٍ ماعاش فيها غير عُور
ماسوى عين السماح امبطله

قصته صارعت فيها دور دور
من هوامش دورها لين ابطله

ماظفرت الا بضيقات الصدور
معضلته (اتدووووم) نفس المعضله

العزا رب المخاليق الغفور
يمهل العبد لأَجل .. مايهمله

والعزا ..اني انا عبد ٍ شكور
اعلم الخير بضمير واعمله

والعزا لاعانق الحبر السطور
وباح صدري مايكن ويحمله

والعزا لاشفت بالصفحه مرور
لك . يصيب الحزن بي في مقتله

افهميها عاد محبوبك غيور
ينتخي بالصبر والصبر اخذله