للأخ : دليم سعود الصواغ - صالح سيف ميزر العازمي

يا راكب اللي صوتها بالمدرج
مثل الرعود بقاطبات الغيومي

اليا استدارة ثم راحت توَاهج
واخلى المطار وحلقت لنجومي

اطير من صبحان والصبح ما فج
والعصر عند دليم قاضن لزومي

ابنشده عن صحته وانتهرج
واخذ اعلومه وارشده بالعلومي

ماني بضايع بالكلام اتخرج
انا على قطع الخرايم عزومي

نجلس مع ابو سعود لين يتعالج
في ديرتن ما سلمها من سلومي

حكم القدر مافيه مخلوق يحتج
ويعوضك بالعين ربن رحومي

اتعب على صحتك واطلع بمخرج
عقب السقم تلبس جديد الهدومي

رايك براسك لا تسمع بالاعوج
لعل يفدونك جميع الرخومي

من غيبتك يا دليم ساعات ماسج
واحفيت رجلي في طويل الحزومي

جيت المراح وذارين فوقه العج
وعودت منه الدمع يغرق اكمومي

واختم جوابي عد ما زار واحتج
وعد الشجر واللي لربه يصومي

© 2023 - موقع الشعر