عز الخوي

لـ ، ، في غير مُحدد

لاضاقت افجوج البسيطه والأحوال
لي صاحبٍ لاتاه فكري لقيته
عز الخوي وللصعيبات يحتال
عزّ الله إنه محزمي لابغيته
صعب المواقف مالها غير رجال
تسهل عسيرات المواقف لصيته
دمث الجناب وخوته روس الأموال
أكبر رصيدٍ فالمراجل خذيته
الخوه اللّي تطلق الوجه والجال
ماهيب خوة من يبيعه شريته
يفداك من تنباع خوته بريال
الكفو. شف ماريته باب بيته
لاهنت يا محمد ولا هان من قال
إنه عضيدي فالشدايد فديته

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين